O‘zbekiston Professional futbol ligasining ma’lum qilishicha, shu kunga qadar biror futbol agenti tashkilot ro‘yxatidan o‘tmagan.
Aslida, 2016 yildan boshlab futbolda “Agent” tushunchasi bekor qilinib, o‘rniga “Vositachi” tushunchasi kiritilgan edi. Shundan so‘ng, «vositachi»lar O‘zPFLda qayta ro‘yxatdan o‘tishi belgilandi.
Ammo, 2016 yilning aprel oyidan buyon O‘zPFLda birorta ham “vositachi” ro‘yxatdan o‘tmadi. PFL saytining xabariga ko‘ra, futbolchi va jamoalar orasida vositachilik qilishni istagan shaxslar shu yilning 9 avgustiga qadar O‘zPFLda ro‘yxatdan o‘tishi lozim.
