«Paxtakor» klubi "Jar" stadionida "Yangiyer" bilan nazorat bellashuvi o‘tkazdi.

5 nafar futbolchi milliy terma jamoaga va 4 nafar o‘yinchi olimpiya termasiga jalb etilgani sababli bu safar Shota Arveladze ikki tarkibdan foydalana olgani yo‘q. Ibrohimov va Hakimov tomonidan kiritilgan to‘plar "Paxtakor"ning 2:0 hisobidagi g‘alabasini ta’minladi. 21 iyul kuni jamoa ikkinchi davraga tayyorgarlikni davom ettirish uchun Turkiyaning Istanbul shahriga jo‘nab ketadi.

Nazorat o‘yini.
"Paxtakor" - "Yangiyer" - 2:0 (1:0)
"Paxtakor": Suyunov, Yusupov, Simich, Tojiyev, Ermamatov (Avilov, 66), Ismatullayev, Kanyuk (Ahmedov, 66), Bezerra, Nurullayev (Karimov, 60), Ibrohimov (Iskanderov, 75), Hakimov (Sa’dillayev, 78).
Gollar: Ibrohimov, 6 - 1:0. Hakimov, 58 - 2:0.