O‘zbekiston milliy terma jamoasi Turkiyada o‘quv-mashg‘ulotlar yig‘inini o‘tkazmoqda.
19 iyul kuni termamiz Eronning “Zob Ohan” klubiga qarshi o‘rtoqlik o‘yinini o‘tkazdi va 0:1 hisobida mag‘lubiyatga uchradi.
Ma’lum bo‘lishicha, O‘zbekiston terma jamoasi darvozasini birinchi bo‘limda Ignatiy Nesterov qo‘riqlagan va tomonlar tanaffusga 0:0 hisobidagi durang bilan yo‘l olishgan.
Ikkinchi bo‘limda esa terma jamoa darvozasini boshqa darvozabon Aleksandr Lobanov qo‘riqlagan. Lobanov yo‘l qo‘ygan qo‘pol xatodan so‘ng “Zob Ohan” futbolchilari 85-daqiqada hisobni ochgan.
