Joriy yilning 15 iyul kuni Londonda start olgan yengil atletika bo‘yicha jahon chempionatida disk otish turi bo‘yicha ishtirok etgan o‘zbekistonlik sportchi Husniddin Norbekov 54.73 natijasi bilan oltin medalni qo‘lga kiritgandi.
 
Keyinchalik yana bir sportchi Doniyor Soliyev O‘zbekiston delegasiyasi hisobiga ikkinchi oltin medalni qo‘shib qo‘ygandi.
 
Bugun, 20 iyul kuni para-atletika bo‘yicha jahon chempionatida o‘zbekistonlik sportchilar tomonidan jamg‘arilgan medallar soni to‘rttaga yetdi. Erkaklar o‘rtasida nayza uloqtirish bo‘yicha bahslarda ishtirok etgan Aleksandr Svechnikov 71.01metr natijasi bilan oltin medalga sazovor bo‘ldi va jahon rekordini yangiladi.
 
Ayollar o‘rtasida kechgan bahslarda o‘zbekistonlik sportchi Nozima Qayumova 41.25 metr natijasi bilan faqatgina Xitoylik raqibi Zao Yuping (42.72 m.)dan ortda qolib, kumush medal sohibasiga aylandi. Avstriyalik Nataliya Eder (38.37m.) esa bronza medal bilan taqdirlandi.


 
Eslatib o‘tamiz, jahon chempionati 23 iyulga qadar davom etadi va unda 1050 nafar sportchi 213 ta medal jamlanmasi uchun kurash olib boradi.