«Barselona» hujumchisi Neymar tez orada Ispaniya pasportiga ega bo‘ladi.

Mundo Deportivo xabariga ko‘ra, braziliyalik futbolchi 1,5 yil burun Ispaniya fuqarosi bo‘lish uchun ariza topshirgan edi. Endi u sentyabr oyida Ispaniya konstitusiyasiga sodiqligini aytib, qasamyod qiladi.

Ispaniya qonunlariga ko‘ra, mamlakat hududida 2,5 yil yashagan insonlar ikkinchi fuqarolikni olish huquqiga ega. Shuning uchun ham, Neymar Braziliya fuqaroligini saqlab qoladi.

Eslatib o‘tamiz, Neymar «Barselona»ga 2013 yili «Santos» klubidan o‘tgan edi.