Ma’lumki, «So‘g‘diyona» bosh murabbiyi Davron Fayziyev o‘z arizasiga binoan klubni tark etgandi.
Jamoani yordamchi murabbiy Diyor Fayziyev boshqarib kelayotgandi. Klub rahbariyati uni jamoaga vaqtinchalik bosh murabbiy etib tayinladi.
Shu bilan birga, Jizzaxning “So‘g‘diyona” jamoasida yangi murabbiy ish boshladi. Muxlislarga yaxshi tanish bo‘lgan Zohid Nurmatov endilikda jamoada yordamchi murabbiy sifatida faoliyat yuritadi va u futbolchilarning jismoniy tayyorgarligiga ma’sul bo‘ladi. 53 yoshli mutaxassis bungacha oliy liganing “Nasaf”, “Dinamo”, “Guliston”, “Navbahor” hamda “Andijon” kabi jamoalarida Bahrom Hakimov va Baxtiyor Ashurmatovga yordamchi murabbiy sifatida asssisentlik qilgan. Qo‘qonlik murabbiyning so‘nggi ish joyi “Andijon” edi. O‘tgan yili may oyida o‘z arizasiga ko‘ra, “burgutlar” bilan xayrlashishga qaror qilgan Nurmatov bungacha hech bir jamoada ko‘rinish bermay kelayotgandi.
