"Chelsi"ning yangi futbolchisiga aylangan Alvaro Morata o‘ziga raqam tanladi. Morata "ko‘klar" safida 9-raqamli futbolkada harakat qiladigan bo‘ldi, deya xabar tarqatdi klub rasmiy sayti.

Futbolchi "aristokratlar" safida ertaga ilk marta maydonga tushishi mumkin. Jamoa bosh murabbiyi Antonio Konte yangi futbolchiga o‘ynash imkoniyatini berishini ta’kidladi. "Chelsi" Xalqaro chempionlar kubogi musobaqasi doirasida ertaga "Bavariya"ga qarshi bahslashadi. O‘yin Singapurda bo‘lib o‘tadi.

Eslatib o‘tamiz, bir necha kun avval Morata 70 million yevro evaziga "Real"dan "Chelsi"ga o‘tib, ispan futbolchilari orasida eng qimmat transferni qayd etdi.