«Ayaks» klubi 20 yoshli futbolchisi Abdulhaq Nuriyning salomatligi to‘g‘risida bayonot berdi.
Ma’lumki, futbolchi «Verder»ga qarshi o‘rtoqlik o‘yinida maydonga hushsiz yiqilib, shifoxonaga olib ketilgandi. U yerda Nuriyning yuragida muammo borligi, shuningdek, miyasi ham jiddiy shikastlangani aniqlangandi.
«Nuriy jonlantirish bo‘limini tark etdi. U sun’iy komadan chiqarildi. Abdulhaq mustaqil ravishda nafas olmoqda. Ammo tanasining boshqa a’zolarida o‘zgarish yo‘q. Futbolchining oilasi uni qayg‘urgan va qo‘llab-quvvatlagan insonlarga minnatdorchilik bildiradi va uning haqiga duo qilishlarini so‘raydi» - deyiladi klub bayonotida.
Avvalroq, futbolchining akasi uni hech qachon gapira olmasligi, yurolmasligi va odamlarni taniy olmasligi haqida aytgan edi.
