"Liverpul" ustozi Yurgen Klopp "MYU" bosh murabbiyi Joze Mourinyoga tanbeh berdi.
"Raqiblarimizning transfer bozorida qanday xaridlarni amalga oshirayotganligi meni qiziqtirmaydi ham, cho‘chitmaydi ham. Maydonga kim zo‘r bo‘lsa o‘sha tushadi.
Biz raqiblarimizni xurmat qilamiz. Maydonga tushganda ularni yanchib tashlashga urinamiz. Biz katta raqamlardan qo‘rqmaymiz ham, ularni sarf etmaymiz ham.
Mourinyo yangi mavsumda "Liverpul"ga Chempionlar Ligasida qiyin bo‘lishini aytibdi. Men "Manchester Yunayted" va Mourinyo haqida gapirishni istamayman. U mening jamoamni gapirishdan oldin, jamoasining muammolarini bartaraf etsin. Joze ko‘rmayotgan muammolarni, muxlis ko‘rib turibdi. Biz Yevropa Ligasi finalida "Sevilya"ga qarshi o‘ynadik, ular esa endi shakllanayotgan "Ayaks"ga to‘qnash keldi. Ikki jamoa o‘rtasida farq juda katta. Bizning ulardan ustun ekanligimizni barcha ko‘rib turibdi.
Yangi mavsumda "Chelsi"ga ham yevrokubok bosimi yuqori bo‘ladi. Ular ko‘plab transferlarni amalga oshirishdi. Kontega omad tilayman. Biz transferlarni amalga oshiramiz. Muxlislarimiz sabrli bo‘lishsin. Garchi qolgan raqiblarimiz o‘z saflarini kuhaytirib olishgan bo‘lishsada, men bundan cho‘chimayman. Menga sifat muhim. Yigitlarimga ishonaman. Ular eng yaxshi ekanliklarini isbotlashadi", - dedi mersisaydliklar ustozi.
