Braziliya sudi Neymarning ishi bo‘yicha hukm o‘qidi.

Ma’lumki, futbolchi «Santos» klubidan «Barselona»ga o‘tish chog‘ida firibgarlikka yo‘l qo‘yganlikda ayblanayotgan edi. Shuningdek, uning otasi va agenti, «Barselona» rahbari Xosep Bartomeu, sobiq rahbari Sandro Rosel ham bu ishga aloqadorlikda gumonlanayotgandi.

Mundo Deportivo xabariga ko‘ra, ularning barchasi sud tomonidan aybsiz deb topildi va oqlandi.

«Albattta, bu xabardan xursand bo‘ldik. Ish rasman yopildi, bu esa barcha hujjatlarning qonuniy ekanidan dalolat bermoqda. To‘rt yil davomida bizni ayblab, azob berishgan edi» - dedi Neymarning otasi.