«Manchester Siti» yarimhimoyachisi Yahyo Ture Kot-d’Ivuar terma jamoasiga qaytmasligini ma’lum qildi.
«Men vatanimda bo‘layotgan hodisalardan ko‘nglim qolgan. Ba’zan o‘z yurtingda qirol bo‘lmasliging mumkin, ammo o‘zga yurtda qirol bo‘lasan.
Menga nisbatan bo‘lgan salbiy munosabat tufayli, o‘zimni nafratga uchragan inson deb bilardim. Har doim aka-ukalarim va futbolchilar bilan qandaydir muammolar yuzaga kelardi.
Krishtianu Ronaldu hech qachon Portugaliya terma jamoasida bunday holatga tushmagan. Samyuel Eto-O esa Kamerun terma jamoasida sevimli futbolchi bo‘lgan. Terma jamoada yuzaga kelgan muammolar esa men bilan bog‘langan. Agar Afrika kubogini qo‘lga kiritsak, terma jamoadan ketaman deb yurgan edim. Keyin shu holat yuz berdi» - dedi Ture.
