«Манчестер Сити» яримҳимоячиси Яҳё Туре Кот-д’Ивуар терма жамоасига қайтмаслигини маълум қилди.
«Мен ватанимда бўлаётган ҳодисалардан кўнглим қолган. Баъзан ўз юртингда қирол бўлмаслигинг мумкин, аммо ўзга юртда қирол бўласан.
Менга нисбатан бўлган салбий муносабат туфайли, ўзимни нафратга учраган инсон деб билардим. Ҳар доим ака-укаларим ва футболчилар билан қандайдир муаммолар юзага келарди.
Криштиану Роналду ҳеч қачон Португалия терма жамоасида бундай ҳолатга тушмаган. Самюэл Это-О эса Камерун терма жамоасида севимли футболчи бўлган. Терма жамоада юзага келган муаммолар эса мен билан боғланган. Агар Африка кубогини қўлга киритсак, терма жамоадан кетаман деб юрган эдим. Кейин шу ҳолат юз берди» - деди Туре.
