«Milan» klubi moliyaviy muammolar tufayli Leonardo Bonuchchi va Lukas Bilyaning transferini 11 avgustgacha rasmiylashtira olmaydi.
«Rossoneri» bosh direktori Marko Fassone gapiga ko‘ra, klubda moliyaviy obligasiyalarni ishlatish bilan bog‘liq muammo yuzaga kelgan.
Natijada, ushbu futbolchilar ro‘yxatdan o‘tmaguncha «Milan» tarkibida to‘p surolmaydi. Xususan, har ikkalasi ham Yevropa ligasi saralashidan o‘rin olgan «Universitatya» (27 iyul va 3 avgust) klubiga qarshi o‘yinlarni o‘tkazib yuboradi, deb xabar bermoqda Football Italia.
Eslatib o‘tamiz, «Milan» Bonuchchining transferi uchun «Yuventus»ga 42 mln yevro, Bilya transferi uchun «Lasio»ga 17 mln yevro to‘lashi kerak.
