«Милан» клуби молиявий муаммолар туфайли Леонардо Бонуччи ва Лукас Бильянинг трансферини 11 августгача расмийлаштира олмайди.
«Россонери» бош директори Марко Фассоне гапига кўра, клубда молиявий облигацияларни ишлатиш билан боғлиқ муаммо юзага келган.
Натижада, ушбу футболчилар рўйхатдан ўтмагунча «Милан» таркибида тўп суролмайди. Хусусан, ҳар иккаласи ҳам Европа лигаси саралашидан ўрин олган «Университатя» (27 июль ва 3 август) клубига қарши ўйинларни ўтказиб юборади, деб хабар бермоқда Football Italia.
Эслатиб ўтамиз, «Милан» Бонуччининг трансфери учун «Ювентус»га 42 млн евро, Билья трансфери учун «Лацио»га 17 млн евро тўлаши керак.
