Italiyaning «Milan» klubi «Bavariya» yarim himoyachisi Renatu Sansheshni sotib olish variantidan voz kechishi mumkin.

Bu haqida klub bosh direktori Marko Fassone Sport1 nashriga ma’lum qildi.

Uning so‘zlariga ko‘ra, «rossonerilar» futbolchi uchun 40 million yevro to‘lashga tayyor emaslar. Nemislar esa aynan shuncha talab qilishmoqda.

Eslatib o‘tamiz, «Milan» Renatu Sansheshni keyinchalik sotib olish sharti bilan ijaraga olmoqchi edi. «Rossonerilar» Sanshesh uchun 32 million yevrodan ortiq to‘lamoqchi emaslar.