«Bayer» hujumchisi Yulian Brandt «Barselona» hujumchisi Neymarning «PSJ» klubiga o‘tishi haqidagi xabarlarga izoh berdi.
21 yoshli futbolchining gapiga ko‘ra, uning transfer narxi juda oshirib yuborilgan.
«Neymar — kuchli o‘yinchi, biroq uning narxi 222 mln yevro emas. Menimcha, dunyodagi hech bir futbolchi bunchalik qimmat turmaydi. Bu aqlsizlik.
Afsuski, so‘nggi paytlarda futbolga juda ko‘p pul sarflanmoqda. Shu tufayli bunday transferlarning amalga oshishi - tabiiy hol" - dedi Brandt Fussball News xabarida.
