«Roma» hujumchisi Edin Jeko Italiya chempionatining yangi mavsumidan oldin o‘z fikrlarini aytdi.
Ma’lumki, o‘tgan mavsumda "Yuventus" birinchi, "Roma" esa ikkinchi o‘rinni egallagandi. Bu jamoalarning yaqinda o‘tkazilgan o‘rtoqlik o‘yinida turinliklarning qo‘li baland keldi.
«Biz "Yuventus" bilan nazorat o‘yinini o‘tkazib, yutqazdik. Biroq xulosa chiqarishga hali erta. "Yuventus" juda kuchli jamoa sifatida qolmoqda, boshqa klublar ham ancha kuchaydi. Bu yil A seriya yaxshiroq bo‘ladi. Bizni yanada kuchaygan, raqobatbardosh chempionat kutmoqda», - dedi bosniyalik futbolchi Football Italia xabarida.
