«Рома» ҳужумчиси Эдин Жеко Италия чемпионатининг янги мавсумидан олдин ўз фикрларини айтди.
Маълумки, ўтган мавсумда "Ювентус" биринчи, "Рома" эса иккинчи ўринни эгаллаганди. Бу жамоаларнинг яқинда ўтказилган ўртоқлик ўйинида туринликларнинг қўли баланд келди.
«Биз "Ювентус" билан назорат ўйинини ўтказиб, ютқаздик. Бироқ хулоса чиқаришга ҳали эрта. "Ювентус" жуда кучли жамоа сифатида қолмоқда, бошқа клублар ҳам анча кучайди. Бу йил А серия яхшироқ бўлади. Бизни янада кучайган, рақобатбардош чемпионат кутмоқда», - деди босниялик футболчи Football Italia хабарида.
