«Atletiko» klubi hujumchisi Antuan Grizmanning shartnomasida belgilangan tovon puli qancha ekani ma’lum bo‘ldi.

AS xabariga ko‘ra, 26 yoshli futbolchi iyun oyida madridliklar bilan 2022 yilgacha mo‘ljallangan yangi shartnoma imzolagan edi. Unga ko‘ra, Grizmanning tovon puli 200 mln yevro qilib belgilangan.

Qizig‘i shundaki, bir yildan so‘ng Grizmanning tovon puli miqdori ikki barobar pasayib, 100 mln yevroni tashkil qiladi.

Avvalroq, «Barselona» hujumchisi Neymardan ayrilsa, Grizmann bilan shartnoma imzolamoqchi ekani haqida xabarlar chiqqan edi.