Turkiya terma jamoasi ustozi Mircha Luchesku og‘ir kasal ekani ma’lum bo‘ldi.
Ruminiyaning evz.ro sayti xabariga ko‘ra, 72 yoshli mutaxassis bedavo Alsgeymer kasalligi bilan og‘rigan.
Yaqinda o‘tkazilgan matbuot anjumanida turkiyalik jurnalist Lucheskuga shu haqda savol bergan edi. Mutaxassis kulib yubordi va jurnalistning yoshi bilan qiziqdi. Shundan so‘ng u bilan birga suratga tushishni taklif qildi. Kasallik haqidagi savolga esa ruminiyalik javob bermadi.
Ma’lumot o‘rnida, Alsgeymer qariyalarning miya to‘qimalarini shikastlaydigan xastalik bo‘lib, u bilan kasallanganlar asta-sekin xotirasidan ayriladi. Bu xastalikning davosi hozirgacha aniqlanmagan va u o‘limga olib keladi.
