Туркия терма жамоаси устози Мирча Луческу оғир касал экани маълум бўлди.
Руминиянинг evz.ro сайти хабарига кўра, 72 ёшли мутахассис бедаво Альцгеймер касаллиги билан оғриган.
Яқинда ўтказилган матбуот анжуманида туркиялик журналист Луческуга шу ҳақда савол берган эди. Мутахассис кулиб юборди ва журналистнинг ёши билан қизиқди. Шундан сўнг у билан бирга суратга тушишни таклиф қилди. Касаллик ҳақидаги саволга эса руминиялик жавоб бермади.
Маълумот ўрнида, Альцгеймер қарияларнинг мия тўқималарини шикастлайдиган хасталик бўлиб, у билан касалланганлар аста-секин хотирасидан айрилади. Бу хасталикнинг давоси ҳозиргача аниқланмаган ва у ўлимга олиб келади.
