«Ювентус» ҳужумчиси Кенан Йилдиз «Реал»нинг қизиқишлар доирасига тушди. Fichajes нашрининг маълумотларига кўра, туркиялик футболчи билан шартнома имзолашга Мадрид клуби президенти Флорентино Переснинг шахсан ўзи қизиқмоқда. Бироқ у «Ювентус» ўз етакчисини ҳеч қачон сотмаслигини тушуниб турибди.
Турин жамоаси Йилдизни клубнинг келажаги деб билади, шу сабабли унга эътироф сифатида ўнинчи рақам берилган. Кенан Йилдиз 2022 йилда «Бавария»дан «Ювентус»га эркин агент сифатида ўтган эди. Унинг амалдаги шартномаси 2030 йилнинг 30 июнига қадар мўлжалланган.
Жорий мавсумда ҳужумчи туринликлар сафида барча турнирларда 44 та ўйинда майдонга тушиб, 11 та гол урди ва 10 та голли узатмани амалга оширди.
