«Yuventus» hujumchisi Kenan Yildiz «Real»ning qiziqishlar doirasiga tushdi. Fichajes nashrining ma’lumotlariga ko‘ra, turkiyalik futbolchi bilan shartnoma imzolashga Madrid klubi prezidenti Florentino Peresning shaxsan o‘zi qiziqmoqda. Biroq u «Yuventus» o‘z yetakchisini hech qachon sotmasligini tushunib turibdi.

Turin jamoasi Yildizni klubning kelajagi deb biladi, shu sababli unga e’tirof sifatida o‘ninchi raqam berilgan. Kenan Yildiz 2022 yilda «Bavariya»dan «Yuventus»ga erkin agent sifatida o‘tgan edi. Uning amaldagi shartnomasi 2030 yilning 30 iyuniga qadar mo‘ljallangan.

Joriy mavsumda hujumchi turinliklar safida barcha turnirlarda 44 ta o‘yinda maydonga tushib, 11 ta gol urdi va 10 ta golli uzatmani amalga oshirdi.