Angliyaning «Liverpul» klubi hujumchisi Muhammad Saloh jamoadoshlaridan kimning ketishi uni eng ko‘p xafa qilgani haqida so‘zlab berdi. Salohning o‘zi ham shu yozda erkin agent sifatida boshqa klubga o‘tadi.
Misrlik futbolchi Sky Sports efirida hozirgi va sobiq jamoadoshlarining videomurojaatlarini tomosha qildi. Trent Aleksander-Arnold o‘z tilaklarini bildirganida, «qizillar» vingeri shunday dedi:
«U klubdan ketganida yig‘lashimga sabab bo‘lgan yagona insondir. Men uning onasi bilan birga yig‘laganman. Men, u va onasi — hammamiz yig‘lagandik».
Hozirda Aleksander-Arnold Madridning «Real» klubida to‘p tepmoqda. Uning transferi bilan bog‘liq vaziyat «Liverpul» muxlislari o‘rtasida futbolchining obro‘siga biroz putur yetkazgan bo‘lsa-da, jamoadoshlari uni hamon katta hurmat bilan eslashadi.
