Ispaniyalik tennischi Rafael Nadal avstriyalik hamkasbi Dominik Timga qarshi Kanadada joylashgan Monreal stadionidagi “Tower Montreal” minorasida ko‘rgazmali tennis o‘yini o‘tkazishdi.
Ma’lumot uchun, Monreal stadioni 1976 yilning 17 iyul kuni foydalanishga topshirilgan bo‘lib, stadionda qad rostlagan “Tower Montreal” minorasining balandligi 165 metrni tashkil qiladi.
Aynan shu minora ustida tennis o‘ynagan Rafael Nadal va Dominik Timlar ushbu holat bo‘yicha o‘z taasurotlarini bildirib o‘tishdi.
“Shunchalik balandda tennis o‘ynash oson bo‘lmadi. Aslida tennischilar kortda o‘ynashda qiynalishardi, lekin bu yerda undanda ham og‘irroq sinovni o‘tkazdim. Kuchli shamol esib turdi, ammo barchasini qo‘rqmasdan amalga oshirdim”, - deydi Rafael Nadal.
“Juda ham balandda tennis o‘ynash qiziqarli bo‘lishini sezgandim. Biz Monrealga qarshi 360 darajada tennis o‘yini o‘tkazdik. Faoliyatimdagi eng zo‘r voqealardan birini o‘tkazdim deb o‘ylayman”, - deydi Dominik Tim.
