«Liverpul» bosh murabbiyi Yurgen Klopp yarimhimoyachi Filippe Koutinyoning «Barselona»ga o‘tishi haqidagi xabarlarga izoh berdi.
Avvalroq, kataloniyaliklar futbolchi uchun 100 mln funt taklif qilayotgani haqida xabarlar chiqqan edi.
«Agar pul haqida gapiradigan bo‘lsak, biz hech qanday narxga rozi bo‘lmaymiz. Biz yetakchilarimizni saqlab qolib, yangi futbolchilarni xarid qilmoqchimiz.
To‘g‘ri, futbolchilar boshqa jamoalarga ketishga haqli. Biroq, birinchi taklifdayoq futbolchimizni berib yubormoqchi emasmiz.
«Liverpul» – futbolchi sotadigan jamoa emas. Ularning qancha pul taklif qilayotgani ahamiyatli emas», — dedi Klopp Daily Mail xabarida.
