«Ливерпуль» бош мураббийи Юрген Клопп яримҳимоячи Филиппе Коутиньонинг «Барселона»га ўтиши ҳақидаги хабарларга изоҳ берди.
Аввалроқ, каталонияликлар футболчи учун 100 млн фунт таклиф қилаётгани ҳақида хабарлар чиққан эди.
«Агар пул ҳақида гапирадиган бўлсак, биз ҳеч қандай нархга рози бўлмаймиз. Биз етакчиларимизни сақлаб қолиб, янги футболчиларни харид қилмоқчимиз.
Тўғри, футболчилар бошқа жамоаларга кетишга ҳақли. Бироқ, биринчи таклифдаёқ футболчимизни бериб юбормоқчи эмасмиз.
«Ливерпуль» – футболчи сотадиган жамоа эмас. Уларнинг қанча пул таклиф қилаётгани аҳамиятли эмас», — деди Клопп Daily Mail хабарида.
