Yoshlar birinchiligining 17-turida “Navbahor” va “Qizilqum” bellashdi.

O‘yinning birinchi bo‘limi keskin va murosasiz ruhda kechdi. Futbolchilar maydonning har bir qarichi uchun kurash olib borishdi. natijada dastlabki 45 daqiqa davomida to‘rtta sariq va bitta qizil karta ko‘rsatildi. 33-daqiqada Alijon Alijonov “Qizilqum” futbolchisini urgani uchun maydondan chetlatildi.

O‘yindagi hisob 68-daqiqada ochildi. Mustafo Rahmatov chap qanotdan oshirilgan to‘pni boshi bilan Obidjonov darvozasiga joyladi. O‘yin yakunlanishi arafasida esa zaxiradan maydonga tushgan Otabek Isroilov belgilangan jarima zarbasini aniq amalga oshirib, g‘alabani mustahkamladi.

Yoshlar ligasi, 17-tur
11 avgust. Namangan. “Markaziy” o‘yingoh.
“Navbahor” – “Qizilqum” - 0:2 (0:0) 
Gollar: M.Rahmatov (68), O.Isroilov (86).
Hakamlar: A.Lupashko, I.Nosirov, M.Nexochin, A.Rajabbayev.
Nazoratchi – A.Arutyunov.
“Navbahor”: 1. Isroil Obidjonov, 4. Javohir Olimjonov, 5. Hojiakbar Yunusov (S), 13. Abbosjon G‘ulomov, 15. Shahzodbek Hamidov (16. Shohruhmirzo Ahmadaliyev, 55), 17. Bilolxon Toshmirzayev (2 Muhammadjon Oxunmirzayev, 75), 26. Alijon Alijonov, 30. Mahmudjon Najmiddinov, 48. Akmaljon Turg‘unboyev (8. Muzaffar Abdullayev, 86), 70. Ilhom Aliboyev (22. Akbarsho Rashidxonov, 50), 77. Abdulaziz Nishonbayev.
Zaxira: 12 Dilmurod Muhiddinov, 3. Yunusbek Abduvohidov, 18. Turg‘unpulot Turg‘unov.
“Qizilqum”: 1. Erkin Jabborov (S), 6. Mirjalol Qosimov, 8. Sardor Jahonov, 9. Mustafo Rahmatov, 14. Feruz Boboqulov (26. Otabek Isroilov, 66), 20. Oxunjon Nurboyev, 21. Axliddin Fayziyev (19. Javohir Xusanov, 77), 82. Viktor Grigoryev, 93. Akmal Rustamov, 94. Boburjon Iskandarov, 95. Xumoyun Abduolimov (5. Ilhom Kenjayev, 59).
Ogohlantirishlar: A.Nishonbayev (3) - F.Boboqulov (3), S.Jahonov (33), M.Qosimov (43), X.Abduolimov (47).
Chetlatish: A.Alijonov (33).