«PSJ» hujumchisi Neymar vatanida katta miqdorda jarima to‘laydigan bo‘ldi.
The Telegraph xabariga ko‘ra, futbolchi Braziliya soliq idorasi bilan kelishuvga erishish maqsadida 2 mln yevro to‘lashga rozi bo‘lgan. Avvalroq u katta miqdordagi soliqlarni to‘lashdan bo‘yin tovlaganlikda ayblangan edi.
«Bu mojaro uch yilga cho‘zilib ketdi. Bizning maqsadimiz esa bu sahifani yopib, Neymar tanlagan yangi hayot yo‘lidan olg‘a borishdir», — dedi futbolchining huquqshunosi Markos Neder bu haqda.
Eslatib o‘tamiz, 2015 yilda Braziliya sudi futbolchining moliyaviy mablag‘larini muzlatib qo‘ygan, u 2012-2014 yillar davomida ishlab topgan daromadidan soliq to‘lamaganlikda ayblangan edi.
