«ПСЖ» ҳужумчиси Неймар ватанида катта миқдорда жарима тўлайдиган бўлди.
The Telegraph хабарига кўра, футболчи Бразилия солиқ идораси билан келишувга эришиш мақсадида 2 млн евро тўлашга рози бўлган. Аввалроқ у катта миқдордаги солиқларни тўлашдан бўйин товлаганликда айбланган эди.
«Бу можаро уч йилга чўзилиб кетди. Бизнинг мақсадимиз эса бу саҳифани ёпиб, Неймар танлаган янги ҳаёт йўлидан олға боришдир», — деди футболчининг ҳуқуқшуноси Маркос Недер бу ҳақда.
Эслатиб ўтамиз, 2015 йилда Бразилия суди футболчининг молиявий маблағларини музлатиб қўйган, у 2012-2014 йиллар давомида ишлаб топган даромадидан солиқ тўламаганликда айбланган эди.
