«Manchester Yunayted» yarimhimoyachisi Pol Pogba bir yil ichida yuz bergan o‘zgarishlar haqida gapirdi.
Ma’lumki, futbolchi o‘tgan yili «Yuventus»dan 89 mln funt evaziga xarid qilingan edi.
«O‘tgan mavsumda hamma mening narxim haqida gapirardi. Men uchun juda ko‘p pul to‘langanini eslatib turishardi. Endi esa bu gaplarga barham berilib, futbol haqida so‘rashmoqda. Bu ko‘p narsadan dalolat beradi.
«Vest Hem»ga qarshi o‘yinni zo‘r o‘tkazdik. Biz ishonchli tarzda g‘alaba qozondik. Men APL g‘olibi bo‘lmoqchiman», - dedi Pogba.
