«Manchester Yunayted» yarimhimoyachisi Pol Pogba juda kam gol urayotgani haqidagi gap-so‘zlarga izoh berdi.
«Albatta o‘tgan mavsumga nisbatan ko‘proq gol urishni istayman. Biroq men uchun «Manchester Yunayted» natijalari muhimroqdir. O‘z jamoadoshlarim uchun ko‘proq vaziyatlarni yaratmoqchiman.
Kim ko‘proq gol urishining ahamiyati yo‘q. Asosiysi - klubning g‘alabasi. Shaxsiy sovrinlar yaxshi, ammo klubning unvonlari muhimroq.
«Vest Hem»ga qarshi o‘yinda, orqamda Nemanya Matich o‘ynadi. Men esa ko‘proq hujumda ishtirok etdim. Bu menga yoqdi», - dedi Pogba.
