Amerikaning Sinsinnati shtatida “Masters-1000” turniri yakuniga yetdi.

Erkaklar o‘rtasidagi bahsda bolgariyalik tennischi Girigor Dmitrov g‘alaba qozondi. 26 yoshli raketka ustasi turnir finalida avstraliyalik Nik Kiriosga qarshi bahs olib borib, 6:3, 7:5 hisobida g‘alabaga erishdi. Dimitrov 1 soat 25 daqiqa davom etgan bahs davomida 6 marotada eys amalga oshirdi va 5 ta qo‘sh xatoga yo‘l qo‘ydi. Kirios hisobida esa 15 ta eys va 4 ta qo‘sh xato mavjud. Qayd etiish kerak, sovrin jamg‘armasi 5 mln. AQSH dollaridan oshuvchi ushbu turnirdagi g‘alaba bolgariyalik sportchiga ATP reytingida 1000 ochko keltirdi.

Ayollar o‘rtasidagi bahsda ispaniyalik Garbinye Mugurusa barcha raqiblarini mag‘lub etib chempionga aylandi. 24 yoshli tennischi hal qiluvchi bellashuvda ruminiyalik Simona Halepni yirik - 6:1, 6:0 natijasi bilan mag‘lub etdi. 56 daqiqa davom etgan uchrashuvda ispaniyalik raketka ustasi 2 ta eys amalga oshirib, 1 ta qo‘sh xato qayd etdi. Bundan tashqari Mugurusa, 6 ta breyk-pointdan 5 tasini yutib oldi.