Американинг Цинциннати штатида “Мастерс-1000” турнири якунига етди.

Эркаклар ўртасидаги баҳсда болгариялик теннисчи Гиригор Дмитров ғалаба қозонди. 26 ёшли ракетка устаси турнир финалида австралиялик Ник Кириосга қарши баҳс олиб бориб, 6:3, 7:5 ҳисобида ғалабага эришди. Димитров 1 соат 25 дақиқа давом этган баҳс давомида 6 маротада эйс амалга оширди ва 5 та қўш хатога йўл қўйди. Кириос ҳисобида эса 15 та эйс ва 4 та қўш хато мавжуд. Қайд этииш керак, соврин жамғармаси 5 млн. АҚШ долларидан ошувчи ушбу турнирдаги ғалаба болгариялик спортчига АТП рейтингида 1000 очко келтирди.

Аёллар ўртасидаги баҳсда испаниялик Гарбинье Мугуруса барча рақибларини мағлуб этиб чемпионга айланди. 24 ёшли теннисчи ҳал қилувчи беллашувда руминиялик Симона Ҳалепни йирик - 6:1, 6:0 натижаси билан мағлуб этди. 56 дақиқа давом этган учрашувда испаниялик ракетка устаси 2 та эйс амалга ошириб, 1 та қўш хато қайд этди. Бундан ташқари Мугуруса, 6 та брейк-поинтдан 5 тасини ютиб олди.