Shanba kuni Qo‘qondagi “Markaziy” o‘yingohda katta futbol bayrami bo‘lib o‘tadi.
Shu kuni Farg‘ona viloyatining ikki jamoasi – “Qo‘qon-1912” va “Neftchi” maydonga tushadi.
“Neftchi” va “Qo‘qon-1912” oliy ligada shu kunga qadar 23 bora to‘qnash kelishgan. “Neftchi” 18 ta o‘yinda g‘olib bo‘lgan, 2 marta durang qayd etilgan. “Qo‘qon-1912” bu raqibni uch marta mag‘lub etgan. To‘plar nisbatida “Neftchi” tomonida – 66:28. O‘zaro o‘yinlarda “Neftchi” 56 ochkoga ega bo‘lgan bo‘lsa, “Qo‘qon-1912” 11 ochkoni qo‘lga kiritgan.
Qo‘qonda bo‘lib o‘tgan so‘nggi besh uchrashuv:
22.10.2016 «Qo‘qon-1912» – «Neftchi» 2:1
19.06.2015 «Qo‘qon-1912» – «Neftchi» 1:2
20.05.2003 «Qo‘qon-1912» – «Neftchi» 2:4
03.08.2002 «Qo‘qon-1912» – «Neftchi» 0:4
08.04.2000 «Qo‘qon-1912» – «Neftchi» 2:3
“Qo‘qon-1912” – “Neftchi” jamoalari o‘rtasidagi bahsni mamlakatimizning eng yaxshi referilaridan biri – Valentin Kovalenko boshchiligidagi hakamlar guruhi boshqarib boradigan bo‘ldi. Qo‘qonda bo‘lib o‘tgan “Qo‘qon-1912” – “Dinamo” uchrashuvini hamda Namanganda o‘tkazilgan “Navbahor” – “Qo‘qon-1912” o‘yinlarida Kovalenko ishlagandi.
Qizig‘i, shundaki, Kovalenko joriy mavsumda ikkinchi marta vodiy derbisini boshqarib boradi.
Oliy liga
19-tur
«Qo‘qon-1912» (Qo‘qon) – «Neftchi» (Farg‘ona)
Hakamlar: V. Kovalenko (Toshkent), M. Saidqosimov (Toshkent), R. Shoyaxmetov (Toshkent), A. Najafaliyev (Toshkent)
Nazoratchi: A. Arutyunov (Toshkent).
O‘zPFL vakili: A. Frolov.
“Qo‘qon-1912” hamda “Neftchi” jamoalari o‘rtasidagi o‘yin 26 avgust kuni Qo‘qon shahridagi “Markaziy” o‘yingohda soat 17:00da boshlanadi. 25 avgust kuni esa ushbu jamoalarning o‘rinbosarlari o‘rtasidagi bahs bo‘lib o‘tadi. O‘yin soat 16:30da start oladi.
Barcha muxlislarimizni stadionga chorlab qolamiz.
