Twitter ijtimoiy tarmog‘i heshteglardan foydalanilayotganiga 10 yil bo‘lgani munosabati bilan futboldagi eng ommabop heshteglar ro‘yxatini e’lon qildi.
Reytingda eng oliy o‘rnini 71 million ko‘rsatkich bilan “Manchester Yunayted” futbol jamoasiga tegishli bo‘lgan #MUFC xeshtegi egalladi.
Keyingi o‘rin “Real” futbol jamoasining #HalaMadrid xeshtegiga nasib etdi. Bu tegdan oxirgi o‘n yil ichida internet tarmog‘i foydalanuvchilari 55 mln marta foydalanishgan.
Heshteglar ommabopligi bo‘yicha uchinchi o‘rinni “Liverpul” jamoasining #LFC xeshtegi oldi, uning foydalanish ko‘rsatkichi 54 millionni tashkil etdi.













