“Paxtakor” klubi “Mash’al” bilan nazorat o‘yinini o‘tkazdi.

“Jar” stadionida o‘tgan bellashuvda "Paxtakor" O‘zbekiston terma jamoasiga chaqirilgan 6 nafar futbolchisiz maydonga tushdi.

25-daqiqada mehmonlar himoyachisi xatosidan Kanyuk unumli foydalanib, hisobni ochdi.

Ikkinchi bo‘limda jamoa yanada hujumkor futbol namoyish qildi. Bezerra Nurullayevning ajoyib to‘p oshirishidan keyin chiroyli gol muallifiga aylandi. “Mash’al”dan Murtazoyev hisobni qisqartirgan bo‘lsa, qo‘shib berilgan daqiqalarda yana Bezerra gol muallifiga aylandi. U qarshi hujumni samarali yakunladi.

Navbatdagi nazorat o‘yini 2 sentyabr kuni “Obod”ga qarshi o‘tkazilishi rejalashtirilgan.

“PAXTAKOR” – “MASH’AL” – 3:1 (1:0)

"Paxtakor": Suyunov, Yusupov, Simich (Alijonov, 20), Tojiyev, Ismatullayev, Ahmedov, Griffits (Ermamatov, 80), Bezerra, Karimov (Nurullayev, 68), Kanyuk (Ibrohimov, 65), O‘rinboyev (YAxshiboyev, 80).

Gollar: Kanyuk, 25 – 1:0. Bezerra, 70 – 2:0. Murtazoyev, 72 – 2:1. Bezerra, 90+2 – 3:1.