Germaniyadagi jahon chempionatida -52 kg vazn toifasida O‘zbekiston sharafini himoya qiladigan bokschimiz Jasurbek Latipov ilk jangini o‘tkazdi.
Bokschimiz birinchi bosqich doirasidagi to‘qnashuvda Puerto-Rikodan tashrif buyurgan Yankiyel Rivera Figureroaga qarshi ringga chiqdi va 5:0 hisobida g‘alaba qozondi. Hakamlarning barchasi hamma raundlarda o‘zbek bokschisining ustunligini e’tirof etishdi — 30:27, 30:27, 30:27, 30:27, 30:27.
Latipov navbatdagi bosqichda bolgariyalik Daniel Asenovga qarshi ringga ko‘tariladi.