«Yuventus» darvozaboni Janluiji Buffon videotakrorlardan foydalanish futbol foydasiga xizmat qilmayotgani haqida gapirib o‘tdi.

Ma’lumki, VAR tizimi tufayli Italiya chempionatining dastlabki ikki turida «Kalyari» va «Jenoa»ga qarshi o‘yinlarda turinliklar darvozasiga penalti belgilandi.

«Hakamlar o‘zlari xato qilib, bu tizimdan foydalanishmoqda. Bu tizimdan har zamonda foydalanilsa, yaxshi natijalar berishi mumkin. Ammo hozirgidek, hadeb o‘yinni to‘xtatib, videohakamga murojaat qilishlari menga yoqmayapti.

Bu holda referining haqiqiy qadri yo‘qoladi. Futboldagi har bir to‘qnashuv — penalti degani emas. Har uch daqiqada o‘yinni to‘xtataverish — futbolning jozibasini o‘ldirib, suv polosiga aylantiradi», — dedi 39 yoshli darvozabon Reuters xabarida.