«Ювентус» дарвозабони Жанлуижи Буффон видеотакрорлардан фойдаланиш футбол фойдасига хизмат қилмаётгани ҳақида гапириб ўтди.
Маълумки, VAR тизими туфайли Италия чемпионатининг дастлабки икки турида «Кальяри» ва «Женоа»га қарши ўйинларда туринликлар дарвозасига пенальти белгиланди.
«Ҳакамлар ўзлари хато қилиб, бу тизимдан фойдаланишмоқда. Бу тизимдан ҳар замонда фойдаланилса, яхши натижалар бериши мумкин. Аммо ҳозиргидек, ҳадеб ўйинни тўхтатиб, видеоҳакамга мурожаат қилишлари менга ёқмаяпти.
Бу ҳолда реферининг ҳақиқий қадри йўқолади. Футболдаги ҳар бир тўқнашув — пенальти дегани эмас. Ҳар уч дақиқада ўйинни тўхтатавериш — футболнинг жозибасини ўлдириб, сув полосига айлантиради», — деди 39 ёшли дарвозабон Reuters хабарида.