“Buxoro”- “Qizilqum” uchrashuvidan (1:0) keyin mezbonlar bosh murabbiyi Ulug‘bek Baqoyev o‘yin haqidagi fikrlar bilan o‘rtoqlashdi.

"Biz har bir o‘yinni muxlislar uchun o‘ynaymiz! O‘yin og‘ir bo‘lishini oldindan bilar edik. O‘zbekistonda futbol rivojlanmoqda. Barcha jamoalar teng. Oson va o‘tkinchi o‘yinlar yo‘q. Har bir o‘yinda jon-jahdimiz bilan o‘ynaganimiz ijobiy natijani berib turibdi. Bugungi o‘yinda “Buxoro” ishqibozlariga bizni qo‘llab quvvatlab turishgani uchun jamoa nomidan katta raxmat deymiz.O‘yinchilarimizdan qoniqdim. Xar bir o‘yinga biz alohida tayyorgarlik ko‘ryapmiz. O‘yindan oldin biz, qarshi jamoa darvozasiga uzoqdan zarba berish ustida ishladik va bu o‘z samarasini berdi. So‘zim yakunida barcha futbol muxlislarini kelayotgan Mustaqillik ayyomi bilan chin qalbdan, o‘zim va jamoa nomidan tabriklayman" - dedi "Buxoro" ustozi.