“Бухоро”- “Қизилқум” учрашувидан (1:0) кейин мезбонлар бош мураббийи Улуғбек Бақоев ўйин ҳақидаги фикрлар билан ўртоқлашди.

"Биз ҳар бир ўйинни мухлислар учун ўйнаймиз! Ўйин оғир бўлишини олдиндан билар эдик. Ўзбекистонда футбол ривожланмоқда. Барча жамоалар тенг. Осон ва ўткинчи ўйинлар йўқ. Ҳар бир ўйинда жон-жаҳдимиз билан ўйнаганимиз ижобий натижани бериб турибди. Бугунги ўйинда “Бухоро” ишқибозларига бизни қўллаб қувватлаб туришгани учун жамоа номидан катта рахмат деймиз.Ўйинчиларимиздан қониқдим. Хар бир ўйинга биз алоҳида тайёргарлик кўряпмиз. Ўйиндан олдин биз, қарши жамоа дарвозасига узоқдан зарба бериш устида ишладик ва бу ўз самарасини берди. Сўзим якунида барча футбол мухлисларини келаётган Мустақиллик аййоми билан чин қалбдан, ўзим ва жамоа номидан табриклайман" - деди "Бухоро" устози.