Shu yilning 5 sentyabr kuni O‘zbekiston terma jamoasi Toshkentdagi “Bunyodkor” stadionida Janubiy Koreya terma jamoasiga qarshi maydonga tushadi.
28 avgust kunidan boshlab mazkur o‘yin chiptalar sotuvga chiqarildi. Chiptalarni “Bunyodkor” stadioni kassalaridan xarid qilishingiz mumkin.
Chiptalar uch xil toifada sotilmoqda. Ya’ni “CIP” toifadagi chiptalar narxi 60 ming so‘m etib belgilangan bo‘lsa, 1-klass va 2-klass toifadagi chiptalar 30–35 ming so‘mdan sotuvga chiqarilgan.
Hozirda O‘zbekiston terma jamoasi Xitoy terma jamoasi bilan 31 kuni bo‘ladigan uchrashuvga tayyorgarlik ko‘rish uchun Xitoyning Uxan shahriga yetib bordi va dastlabki mashg‘ulotini o‘tkazdi.
Eslatib o‘tamiz, O‘zbekiston–Janubiy Koreya uchrashuvi 5 sentyabr kuni soat 20:00 da “Bunyodkor” stadionida boshlanadi.
Ma’lumot o‘rnida, O‘zbekiston terma jamoasi JCH–2018 saralash bosqichi 8-turidan keyin 12 ochko to‘plab, to‘g‘ridan-to‘g‘ri qo‘lga kiritilishi mumkin bo‘lgan yagona yo‘llanma uchun kurashda 2-o‘rindagi Janubiy Koreyadan atigi 1 ochkoga ortda qolmoqda.
Futbol muxlislari O‘zbekiston terma jamoasidan eng yuqori natijaga ega bo‘lgan o‘yinlarni kutib qoladi.
