Inson taqdiri bir zumda o‘zgarib ketishi mumkin. Futbol olamida mashhurlik darajasiga erishgan ayrim futbolchilarning ham taqdirlari umuman o‘zgarib ketishi mumkin edi. Mazkur maqolamiz aynan taqdiri o‘zgarib ketishi mumkin bo‘lgan futbolchilar haqida.

Futbolchi bo‘lish oson deb hisoblovchilar adashishadi. Ishonmaysizmi? Unda mazkur maqolamiz mobaynida o‘zingiz bunga ishonch hosil qilasiz.

2007 yilgi «Oltin to‘p» sohibi Kaka, «San Paulu»ning yoshlar jamoasida o‘ynab yurgan vaqtida bitta o‘yinga diskvalifikasiya qilinadi. Shu munosabat bilan unga bir necha kun ta’til berdilar. Ta’tilni buvisi va bobosi bilan o‘tkazishga qaror qiladi. Ularning uyi yaqinida suvda arg‘imchoqli xiyobon bor edi. O‘sha xiyobonda ukasi bilan birga o‘ynab turganida, tasodifan muvozanatni yo‘qotib qo‘yadi va suvga qulaydi. O‘shanda boshi bilan hovuzning tubiga qattiq uriladi va kasalxonaga borib, yorilgan joyiga chok qo‘ydirib keladi. Oradan 1-2 kun o‘tgach, San-Pauluga qaytib ketadi. Dushanbadan boshlab odatdagidek mashg‘ulotlarga qatnay boshlaydi. Ammo bo‘yni nimagadir qattiq og‘rirdi. Tabiblar ko‘rib chiqqanlaridan so‘ng, bo‘yindagi umurtqa pog‘onasining oltinchisi lat yeganini aniqladilar. Bu jarohat juda havfli edi, ammo Kakaning baxtiga juda nozik bo‘lgan joylar shikast yemay qolgan edi. Tabiblar unga hayrat bilan qaradilar va juda baxtli ekanini, hali futbol o‘ynashi ham mumkinligini aytdilar. Sal bo‘lmasa, futbol o‘ynash u yoqda tursin, yura olmay ham qolardi.

Davomi>>>