Dilshod Nuraliyev bosh murabbiyligidagi O‘zbekiston o‘smirlar terma jamoasi Polsha mamlakatida 2001 yilda tavallud topgan futbolchilar o‘rtasidagi Syrenka Cup–2017 xalqaro turniridagi ishtirokini yakunladi.

O‘zbekistonlik futbolchilar 7-o‘rin uchun bahsda Ukraina o‘smirlariga qarshi bahs olib borib, 0:3 hisobida imkoniyatni boy berdi. Dilshod Nuraliyev jamoasi turnir davomida Belgiya va Vengriya yoshlariga qarshi kurash olib bordi.

Mazkur musobaqa O‘zbekiston o‘smirlar termasi uchun 2018 yilgi U-16 Osiyo chempionati saralash bosqichiga tayyorgarlik vazifasini o‘tab berdi. Saralash bosqichi shu yilning 16–24 sentyabr kunlari Saudiya Arabistoni poytaxti Ar-Riyod shahrida bo‘lib o‘tadi.

Syrenka Cup–2017
Nexoje, Polsha
2 sentyabr, shanba

O‘zbekiston – Ukraina 0:3

O‘zbekiston: Miraziz Sadiov, Xurshidbek Ubaydullayev, Mironshox Sattorov, Jasur Jaloliddinov, Igor Chikrizov, Xojimat Erkinov,Ibrohimhalil Yo‘ldoshev, Xushudbek Bozorov, Sunnatillo Hamidjonov, Bekzod Shamsiyev.

Zaxira: Mo‘minmirzo Qodirov, Doniyor Sobirov, Temur Mamasiddiqov, Jasurbek Abdulbekov, Shukron Yo‘ldoshev, Rustam Azimov, Alishev Odilov, Diyor Ramazonov, Shoxjahon Sultonmurodov, Javohir Jo‘rayev.