“Barselona” klubi ijrochi direktori Albert Soler jamoa yetakchisi Lionel Messining shartnomasi haqida ma’lumot berdi.
“Har ikki tomon ham shartnoma bo‘yicha kelishib olgan. Faqat shartnoma imzolangani haqida rasman e’lon qilish qolgan xolos.
Shartnomani uzaytirish ishlari biroz vaqt oladi. Yaqinda Messi “Barsa” bilan yangi shartnoma imzolaydi, hech qanday muammo yo‘q. Bu bilan “Barselona” muxlislarini tinchlantirmoqchiman. Ularga xavotir olmaslikni maslahat bergan bo‘lardim”, - dedi Soler Sport.es xabarida.
Eslatib o‘tamiz, Messining amaldagi shartnomasi 2018 yil yozida nihoyasiga yetadi.
