Germaniyada o‘tayotgan boks bo‘yicha jahon chempionatida final janglari boshlandi. Dastlab eng yengil vazn toifasida chempionlik uchun Hasanboy Do‘smatov va kubalik Yoanis Argilagos ringga ko‘tarilishdi.

Hamyurtimiz o‘z uslubida raqibga doimiy bosim ostida ushlab turib, ketma-ket zarbalar berdi. Hasanboy yaxshi himoyalanishni ham uddaladi. Argilagos asosan ring bo‘ylab qochib yurib, asosan qarshi hujumda ishladi.

Ammo hakamlarning baholari qiziq bo‘ldi — 2:3 (28:29, 28:29, 28:29, 30:27, 29:28).

Shu tariqa, Hasanboy Do‘smatov faoliyatida jahon chempionatining ilk medalini qo‘lga kiritdi — bu kumush bo‘ldi.