Gamburg ringlarida 9 kun davom etgan boks bo‘yicha jahon chempionati o‘z yakuniga yetdi. Mazkur JCH ham o‘zbekistonlik sport muxlislarini katta hayajonda ushlab turdi.

O‘zbekiston delegasiyasi ushbu jahon chempionatini 1ta oltin, 3ta kumush va 2ta bronza bilan yakunlaydigan bo‘ldi. Shahram G‘iyosov (69 kg.) jahon chempionligini qo‘lga kiritgan bo‘lsa, Hasanboy Do‘smatov (49 kg.), Jasurbek Latipov (52 kg.) va Iqboljon Xoldorov (64 kg.) "kumush" bilan kifoyalanishdi. Bektemir Meliqo‘ziyev (75 kg.) va Sanjar Tursunov (91 kg.) terma jamoamiz hisobiga bironza medallarini qo‘shib qo‘yishdi.

O‘zbekiston terma jamoasi medallar bo‘yicha umumjamoa hisobida 2-o‘rinni egalladi. Kuba esa katta ustunlik bilan g‘oliblikka erishdi. Ular 10ta vaznning beshtasida chempionlikni ilib ketishgan bo‘lsa, yana ikki bokschi kumushga ega chiqdi. Kubaliklar hisobida kumush medal yo‘q.

Qozog‘iston esa 1ta oltin, 2ta kumush va 3ta bronza medali bilan kuchli uchlikka kirdi.

Shuningdek, Ozarboyjon, Fransiya va Ukraina delegasiyalari o‘z hisoblariga bittadan oltin medalni yozib qo‘yishdi. Kuchli hisoblangan rossiyaliklar 1ta kumush va 1ta bronza bilan umumjamoa hisobida 8-o‘rinni band etishdi.

Boks bo‘yicha navbatdagi jahon chempionati 2019 yilda Rossiyaning Sochi shahrida bo‘lib o‘tadi.