Messining "Barselona" bilan imzolashi kutilayotgan yangi shartnomasidagi tovon puli oshkor qilindi.

Prezident Jozep Bartomeu gapiga ko‘ra, u 300 mln yevro qilib belgilangan.

"Tovon pulini 300 mln yevro qilib belgiladik, chunki «Barselona» ketishni istagan futbolchini hech qachon ushlab turmaydi. Biz boshqa klublardan shu jihatimiz bilan ajralib turamiz.

Tovon puli 500, 600, 1000 yoki 1500 mln yevro bo‘lishidan qat’iy nazar, futbolchi maydonga tushib, o‘yin amaliyotiga ega bo‘lishi shart», – dedi u.

Eslatib o‘tamiz, avvalroq Neymarning tovon puli 222 mln yevro qilib belgilangach, u osonlik bilan PSJ klubiga o‘tib ketgan edi.