O‘zbekiston va Janubiy Koreya (0:0) terma jamoalari o‘rtasidagi o‘yindan keyin Samvel Babayan jurnalistlarning savollariga javob berishni istamadi.
"Ikki yarim yil avval terma jamoani qabul qilib olganimda O‘zbekiston avvalgi saralash bosqichida 3 yoki 4-o‘rinda borayotgandi. Terma jamoa JCHga chiqishi uchun qo‘limdan kelgan barcha ishni qildim. Ammo bu kamlik qildi. Mendan keyin termani qabul qiladigan murabbiy yanada ko‘proq ishlashi kerak. Mag‘lub bo‘lgan o‘yinlarimizda bizga nima yetishmagani haqida hozir hech narsa deya olmayman. Bu haqda balki vaqti kelib gapirarman. Shuni aytishim mumkinki, Suriya, Xitoy va Janubiy Koreyaga qarshi o‘yinlarda kamida durang o‘ynashimiz kerak edi. Hozircha aytar gapim shu. Boshqa hech narsa deya olmayman" - dedi Babayan va zudlik bilan matbuot anjumanini tark etdi.
